|
|
|
Her kan de sjå nokre av dei første arbeida mine.
|
 |
Log Cabin Quilt
1987
Den første quilten eg nokonsinne laga var denne log cabin quilten. Det er brukt masse forskjellige stoff i forskjellige kvalitetar, alle saman restar frå klede som eg har sydd til meg og familien. |
Dette var før alt, .... eg hadde ingen rullekniv, linjalar eller skjerematte. Det var berre meg, saksa og symaskina som gjorde jobben.
I dette teppet kan eg sjå og framleis minnast blusen eg hadde på meg den dagen yngstejenta kom heim frå fødeavdelinga, trekket til babykorga, kjolen med delfinar på som eldste dattera likte så godt (ho syntest det passa bra at ho hadde fiskar på kjolen sin sidan far hennar var fiskar), gardinene til første fiskebåten til husbonden, osv, osv ... |
Bremangerteppet: "Frå hav til bre""
1990 160 x 190 cm
Klikk på bildet for å sjå fleire detaljar. |
"Frå Hav til Bre"
Dette teppet er applikert, men det er ikkje quilta, berre fora på baksida.
Teppet handlar om Bremanger, kommunen der eg bor. Frå uminnelige tider har fiske vore hovudnæringsvegen på desse kantar, og det er framleis viktig, saman med industri basert på vasskraft. |
Isbre
1993 115 x 130 cm |
Isbre
vart laga i 1993, og er den første quilten som eg designa med hjelp av eit quilte-design-program på datamaskina.
På den tida hadde eg ikkje fargeprinter, så tegninga vart printa ut i svart-kvitt - det var ganske nyttig for å sjå virkninga/fordelinga av mørke og lyse stoff. |
Sommar 93
1993 105 x 105 cm |
Sommar 93
På denne tida hadde eg byrja å abonnere på nokre internasjonale quilteblad, og vart ganske imponert over alt det flotte dei viste der.
Eg syntest Miriam Nathan Roberts sine arbeid såg interessante ut, og ville prøve å få til noko liknande.
Det betydde at eg måtte grave fram batikkfargane mine frå 70-talet for å farge graderingane frå lysegrått til svart. Vart også freista til å farge litt knytebatikk med det same eg holdt på, så "sola" vart til samtidig. |
Sirkelmønsteret som vart laga med knytebatikk kalla vi "batikk-sol" på den tida. Sidan vi i 1993 hadde ein dårleg og regnfull sommar heromkring, fekk teppet dette namnet. Sola var nesten konstant fanga bak skyene.
Mine to tenårings- og nesten-tenårings-døtre syntest knytebatikk var tøfft. Dei fekk prøve å farge sjølve, og laga nokre vellykka t-skjorter. Veninnene vart interesserte, så dermed vart det invitert til batikk-party..
Her er nokre bilder frå eit slikt batikk-party, og faktisk skein sola den dagen. |
|
Heim 
Om meg 
Kameleon Quiltar 
Galleri